حبيبتي.. صباح الخير!!قائدك من ..من ..هؤلاء

معركة الرئاسة التي أوشكت ان تسدل ستار جولتها الخارجية خلال ساعات مع المصريين المقيمن خارج البلاد لتبدأ في رفع ستارها داخل مصر الأسبوع القادم
الكل يدرك تماما انها سابقة تاريخية خطيرة لم تحدث من قبل ويقيني انها لحظة تاريخية
عزيزي الناخب وأختي الناخبة لعلنا لأول مرة في حياتنا ندلي بأصواتنا بحرية تامة واطمئنان نفسي ولأول مرة نمارسا حقنا الدستوري
... والسؤال الذي اود أن اطرحه عليكم مع كم المرشحين هل بالفعل توصل أحد منكم للمرشح الذي تود ان تعطيه صوتك بأمانة أم أن التخبط والفوضى والمهاترات التي تحدث بين المرشحين سواء من تلقاء أنفسهم او من قبل منظمي حملاتهم تنغص عليك تفكيرك
لذا أنصحك أ لا تتسرع في اختيار من تراه قبل ان تتأكد جيدا أنه رجل يستحق الجلوس على مقعدالرئاسة طالما كنت تعيش بالداخل ووسط الأحداث
أما نحن المغتربين فغالبيتنا ربما لم نختار الإختيار الأنسب .لأننا بعيدين كل البعد عما يحدث بالداخل .. وكل اعتمادنا على المحطات الفضائية وما أدراك بالفضائيات إحداها تؤيد فلان وتوقره واحداها ترفض وتسب وتعلن في علان .وهنا نفسي أسألك يا "حبيتي" من من هؤلاء المرشحين يستحق ان يكون "راجلك" فياريت ونحن في موسم الامتحانات تغششينا وتهمسي في أذن الناس الغلابة المحتارين هل هو خالد ولا مرسي ولا موسى ولا أبو العز ولا حمدين ولاشفيق ولا مين بالضبط
من منهم يقدر يحافظ على أولادك وأحفادك ..مين يقدر يصونك ويحافظ على كرامة شعبك الطيب سواء اللي عايشين "جواك "ولا"براك " مين يقدر يشغلك جيوشك الجرارة من خريجي الجامعات والمعاهد و الناس اللي قاعدين في بيوتهم ومازالوا على كنف أبوهم لحد ما جسمهم اتنحل ..مين يقدر يقول للأمريكان ولا لإسرائيل كفاكم ذل ومهانة .. مين يقدر يقول لا للعصبية والطائفية لايتفوه ده مسلم وده مسيحى ، ده فلاح وده صعيدي ، ده نوبي وده بدوي .. مين يقدر يصلح من حال تعليمنا وتصبح جامعاتنا ضمن المية الأولى على العالم ..من يقدر يخفف من آلام الموجوعين بالبلهارسيا والفيروس سي والسرطان والكلى والكبد اللي اتفقع من كتر الظلم والجوع والحرمان ..مين يقدر يرجع لك مصانعك ويشغل الجديد منها ويستصلح ويستزرع صحاريك ..انا بصراحة اشك إن آلاقي واحد من الـ13 دول يتحمل المسؤولية مش تقصير في حقهم لا سمح الله لكن علشان هم صنفوا أانفسهم ..منهم اللي بيكلم عن تطبيق الشريعة بحذافيرها ويتكلم بنبرة غليظة على الآخرين ومنهم اللي ماشي على العهد البائد ومنهم اللي بيتشدق بقميص عبد الناصر ومنهم اللي مسمي نفسه مرشح ليبرالي واشتراكي وسلفي وتقدمي .. مصر مش عايزة التصنيفات دي مصر عايزة واحد وطنى يلم كل الناس بحب حقيقي بدون مايغازل البسطاء من ناحية والفلاحين من ناحية والصعايدة والنوبيين احنا عايزين واحد يكون قائد للوطن مش لجماعة او لحزب ومع كل احنا واثقين باننا سننتخب